ՀՀ առողջապահական և աշխատանքի տեսչական մարմնի (ԱԱՏՄ) արևմտյան տարածքային կենտրոնի տեսուչները Covid-անվտանգության պահպանման կանոնները դիտարկել են Արարատի մարզի Արտաշատ և Մասիս քաղաքների ատամնաբուժական կաբինետներում, դեղատներում, բանկերում, սպասարկման գրասենյակներում և դպրոցներում։ Ստուգայցերի արդյունքում առանձնակի կոպիտ խախտումներ չեն արձանագրվել. գրանցամատյաների վարման կարգում ի հայտ են եկել որոշ թերություններ, արձանագրվել են նաև հաճախորդների շրջանում դիմակ չկրելու դեպքեր։ Ստուգայցերին զուգահեռ տեսչական մարմնի աշխատակիցները փակցրել են նաև Covid-անվտանգության կանոնների իրազեկման թերթիկներ։ Տեսչական մարմնի մասնագետները տնտեսավարողներին զգուշացրել են նաև կրկնախախտումներ արձանագրելու դեպքում վարչարարություն կիրառելու մասին։
Մանրամասն ➜
ՀՀ առողջապահական և աշխատանքի տեսչական մարմնի հյուսիսային տարածքային կենտրոնի տեսուչները հերթական ստուգայցով եղել են Վանաձորի համայնքապետարանում, Քաղաքացիական կացության ակտերի գրանցման գործակալությունում և նոտարական տարածքում։ Դիտարկված տնտեսավարողների մոտ, ընդհանուր առմամբ, բարվոք պատկեր է նկատվել։ Սակայն մտահոգիչ է շարունակում մնալ տնտեսավարողների մոտ հեռավար ջերմաչափերի բացակայությունը, իսկ քաղաքացիների շրջանում դիմակ չկրելու երևույթը։ Հյուսիսային տարածքային կենտրոնի մասնագիտական խմբերը ստուգայցով դիտարկել են նաև դեղատներն ու մանրամեծածախ առևտրի կետերը։ Տեսչական ստուգումները շարունակվում են մայրաքաղաքում և հանրապետության բոլոր մարզերում։
Մանրամասն ➜
Կաթնամթերքի, ըմպելիքի, տեքստիլի խոշոր արտադրամասեր և գովազդային տպագրությամբ զբաղվող տպարան. Առողջապահական և աշխատանքի տեսչական մարմնի Երևանի տարածքային կենտրոնի մասնագիտական խմբերի ստուգայցը նշված տնտեսավարողներից որոշների մոտ արձանագրել է հակահամաճարակային նորմերի պահպանման թերություններ։ Տեքստիլ արտադրամասում բացակայել են հանդերձարանները, ինչի կապակցությամբ ԱԱՏՄ տեսուչները տվել են համապատասխան հանձնարարական։ Տպարանում արձանագրված խախտումների կապակցությամբ տնտեսավարողը կանչվել է գործի քննության։ Երևանի տարածքային կենտրոնի տեսուչները հընթացս անվտանգության նորմերի պահպանումը դիտարկել են նաև դեղատներում, առևտրի խոշոր կենտրոններում և գրասենյակային տարածքներում։
Մանրամասն ➜
© 2019