Առողջապահական եւ աշխատանքի տեսչական մարմնի Երեւանի տարածքային կենտրոնն այսօր ուժեղացված ստուգայցեր է իրականացրել Կենտրոն, Էրեբունի և Շենգավիթ վարչական շրջաններում։ Առեւտրի եւ սպասարկման որոշ օբյեկտներում արձանագրված խախտումների հիմքով կազմվել են արձանագրություններ, տրվել են խախտումների վերացման հանձնարարագրեր։ Որոշ տնտեսավարողներ իրենք են մտահոգություն հայտնել, որ քաղաքացիներն անտեսում են դիմակ կրելու պահանջը, ուստի իրենք ստիպված են լինում հաճախորդին չսպասարկել: Տնտեսավարողների մոտ արձանագրվող խախտումները գործնականում նույնն են՝ թերություններ կան ախտահանման աշխատանքներում, չի իրականացվում օրական 2 անգամ ջերմաչափում, պատշաճ կերպով չեն վարվում կամ առհասարակ բացակայում են գրանցամատյանները: Ստուգայցերն ընթանում են ողջ հանրապետության տարածքում: Ամենօրյա ռեժիմով իրականացվող աշխատանքների նպատակը սահմանված նորմերի պահպանման վերահսկողությունն ու համաճարակի տարածումը կանխելն է:
Մանրամասն ➜
ՀՀ ոստիկանության հայտարարությունը․ Ողջ ծավալով իրականացվելու են հակահամավարակային անվտանգության կանոնների վերահսկման բոլոր գործառույթները: Անվտանգության կանոնները խախտողներն անխտիր կենթարկվեն վարչական պատասխանատվության՝ տուգանքի տեսքով: Ոստիկանությունը մեր երկրի սահմաններին մարտական գործողությունների սկսվելուց հետո էլ, չնայած գործառույթների ընդլայնմանն ու գերծանրաբեռնվածությանը, շարունակել է համավարակի տարածման դեմ ուղղված գործողությունները: Միևնույն ժամանակ, նկատի ունենալով հանրության հոգեբանական վիճակը՝ ոստիկանությունը հնարավորինս ձեռնպահ է մնացել իրավազանցներին վարչական պատասխանատվության ենթարկելուց՝ վստահելով հասարակության բարձր ինքնագիտակցությանը և բավարարվելով զգուշացումով ու հորդորով: Ցավոք, պարզվում է, մեր որոշ քաղաքացիներ թյուրըմբռնում ունեն քաղաքացիական պարտքի և հանրային ինքնահսկողության մասին և բացահայտ անտեսում են անվտանգության կանոնների պահպանումը, ինչի հետևանքով կտրուկ [...]
Մանրամասն ➜
ՀՀ առողջապահական եւ աշխատանքի տեսչական մարմնի մասնագիտական խմբերի այսօրվա ստուգայցերը Սիսիան և Կապան քաղաքներում տնտեսավարող սուբյեկտների կողմից անվտանգության նորմերի խախտումների որոշակի նվազում են արձանագրել։ Սակայն մտահոգիչ է դիմակ չկրելու կամ պատշաճ չկրելու միտումը։ ԱԱՏՄ-ն հիշեցնում է՝ անակնկալ ստուգայցերը շարունակվում են ողջ հանրապետությունում և հորդորում տնտեսավարողներին խստորեն պահպանել սահմանված կանոնները․ ռազմական դրության պայմաններում ամեն տնտեսավարող իր հերթին զինվոր է թիկունքում։ Կրկնախախտումների կամ առավել լուրջ, համակցված խախտումների դեպքում կիրառվում են վարչական պատասխանատվության առավել խիստ միջոցներ։ Հատուկ ուշադրության են առնվում թեժ գծով ստացվող ահազանգերը։
Մանրամասն ➜
© 2019