Նորություններ

ԱԱՏՄ-ն շարունակում է ուժեղացված ստուգայցերով դիտարկել անվտանգության կանոնների պահպանումը երկրում

Երեւանում եւ մարզերում շարունակվում են ՀՀ առողջապահական եւ աշխատանքի տեսչական մարմնի վերահսկողական աշխատանքները՝ ուղղված համավարակի տարածումը կանխելուն։ Ստուգայցերն իրականացվում են անակնկալ, հիմք ընդունելով նաև հակահամաճարակային կանոնների հնարավոր խախտումների վերաբերյալ քաղաքացիների ահազանգերը։ Օրական մի քանի տասնյակ ստուգայցերի արդյունքները փաստում են՝ անվտանգության կանոնների առավել հաճախակի խախտումները գեղեցկության սրահներում են, առեւտրի եւ սպասարկման ոլորտներում։ Հիմնականում չեն պահպանվում ախտահանման եւ ջերմաչափման, դրանց գրանցամատյանների վարման, ժամը 10-12-ին միայն տարեցներին սպասարկման, դիմակների պատշաճ կրման կանոնները։ Դեղատներում, փակ արտադրություններում, բանկերում խախտումների առավել փոքր թիվ է նկատվում։ Բժշկական հաստատություններում նկատվող թերություններն առավելապես վերաբերում են բժշկական թափոնների գործածությանը ներկայացվող հիգիենիկ եւ հակահամաճարակային պահանջներին, բժշկական [...]

ՀՀ ԱԱՏՄ ղեկավար Հակոբ Ավագյանի գլխավորությամբ Արցախում է ԱԱՏՄ աշխատակիցների խումբը

ՀՀ առողջապահական եւ աշխատանքային տեսչական մարմնի ղեկավար Հակոբ Ավագյանի գլխավորությամբ Արցախում է ԱԱՏՄ աշխատակիցների խումբը՝ փոխօգնության կարգով մի շարք աշխատանքներում ներգրավվելու հանձնարականով։ Ավագյանը գործուղվել է Արցախ ՀՀ վարչապետի որոշմամբ։ Տեսչականի թիմն Արցախում, ի թիվս այլ աշխատանքների, նաեւ հերթապահություն եւ վերահսկողական աշխատանք է իրականացնում կամավորաբար հավաքագրված դեղերի պահեստների, դրանց պահպանման պայմանների ու ժամկետերի նկատմամբ, ինչպես նաեւ հումանիտար օգնություն է բաժանում ապաստարաններում գտնվողներին։ Հանձնարարված է ՀՀ առողջապահական և աշխատանքի տեսչական մարմնի ղեկավարին՝ գործուղումից վերադառնալուց հետո եռօրյա ժամկետում ՀՀ վարչապետի աշխատակազմ ներկայացնել Արցախի Հանրապետություն գործուղման արդյունքների վերաբերյալ հաշվետվություն:

ՀՀ փոխվարչապետ Տիգրան Ավինյանի կոչը ‼️Սիրելի՛ հայրենակիցներ, Եթե ցանկանում ենք, որ՝ 📌Հայրենիքի սահմանները պաշտպանող զինվորները ստանան լավագույն բուժսպասարկումը, 📌Կորոնավիրուսով վարակված պացիենտները ստանան պատշաճ բուժում, 📌Տնտեսությունը շարունակի բնականոն աշխատանքը՝ ապահովելով առաջնագիծն անհրաժեշտ աջակցությամբ, ապա ամեն ինչ պետք է անենք կորոնավիրուսով չվարակվելու համար, այն է՝ խստորեն հետևենք հակահամաճարակային կանոններին։ Այս օրերին պետք է լինենք ծայրահեղ կարգապահ և ուշադիր, կրենք դիմակ, պահպանենք առնվազն 1,5 մետր հեռավորություն, պարբերաբար ախտահանենք ձեռքերը և զերծ մնանք անհարկի շփումներից: ✅Հետևե՛նք հակահամաճարակային կանոններին, ✅Կանխե՛նք կորոնավիրուսի տարածումը, ✅Ամուր պահե՛նք մեր թիկունքը, Քանի որ անխուսափելիորեն #ՀԱՂԹԵԼՈՒԵՆՔ։