Նորություններ

Իրազեկման լայնածավալ աշխատանքներ՝ ողջ հանրապետությունում

  Իրազեկման լայնածավալ աշխատանքներ՝ ողջ հանրապետությունում․ ՀՀ առողջապահական եւ աշխատանքի տեսչական մարմնի Երեւանի եւ մարզային տարածքային ստորաբաժանումները դպրոցներում, մանկապարտեզներում, հանրային տրանսպորտում եւ դեղատներում փակցնում են իրազեկման թերթիկներ։ Դրանցով ներկայացվում են տրանսպորտի եւ դպրոցների համար սահմանված Covid-անվտանգության կանոնները, նախադպրոցական եւ հանրակրթական ուսումնական հաստատությունների համար սահմանված ջեռուցման նորմերը։ Միաժամանակ, ԱԱՏՄ-ն շարունակում է վերահսկողական աշխատանքները սահմանված այս նորմերի պահպանման ուղղությամբ՝ գնալով նաեւ դրանց չպահպանման մասով ստացված բոլոր ահազանգերի հետքերով։ ԱԱՏՄ թեժ գիծ՝ 8107։        

Covid-անվտանգության ստուգայցեր` «Զվարթնոց» օդանավակայանում` մեկնման եւ ժամանման սրահներում. ՀՀ ԱԱՏՄ Երեւանի տարածքային կենտրոնի մասնագետները որոշ թերություններ են նկատել։ Ամենամտահոգիչ խնդիրը քաղաքացիների կուտակումներն են. երբեմն մեկնող, ժամանող ու դիմավորող քաղաքացիները խախտում են սոցիալական հեռավորության պահպանման պահանջը։    

Ստուգայցեր` Սյունիքում. Կապան, Գորիս, Սիսիան քաղաքներում

Ստուգայցեր` Սյունիքում. Կապան, Գորիս, Սիսիան քաղաքներում covid-անվտանգության կանոնները մեծամասամբ պահպանվում են: ԱԱՏՄ հարավային տարածքային կենտրոնի աշխատակիցները նաեւ իրազեկման աշխատանք են տանում. փակցվում են իրազեկման թերթիկներ դեղերի շրջանառության վերահսկողության, դպրոցներում ու մանկապարտեզներում ջեռուցման նորմերի պահպանման ու համավարակը կանխելու վերաբերյալ։ Բոլոր նման դեպքերում ահազանգերով կարելի է դիմել ԱԱՏՄ թեժ գծին` 8107 հեռախոսահամարով։