Առողջապահական և աշխատանքի տեսչական մարմնի կողմից «ՖԱՐՄԱՏԵՔ» ՓԲ ընկերությանը 2026 թվականի հունիսի 4-ին տրվել է շրջանառության դադարեցման և հետկանչի կարգադրագիր՝ «Գոֆլիկիցեպտ (ԷռՓիԷյչ-104/RPH-104), լուծույթ ենթամաշկային ներարկման համար, 40մգ/1մլ (բացթողման հսկում իրականացնող՝ Արդյունավետության և առևտրի նախարարություն, Ռուսաստանի Դաշնություն) հետազոտվող դեղագործական արտադրանքի AOAB001124A սերիայի վերաբերյալ։ Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ի կողմից 2026 թվականի հունիսի 4-ին ստացված թիվ 01/2919-26 գրությունը և կից փորձաքննության եզրակացությունը, համաձայն որի՝ առկա է հետկանչի ենթակա երկրորդ դասի թերություն՝ նմուշների լաբորատորային հետազոտությունների ժամանակ հայտնաբերվել է սպեցիֆիկացիայի սահմաններին անհամապատասխանություն՝ «հարակից խառնուրդ» կետով, ուստի վերոնշյալ դեղի AOAB001124A սերիան եթակա է շրջանառության դադարեցման և հետկանչի։ [...]
Մանրամասն ➜
Առողջապահական և աշխատանքի տեսչական մարմնի Հարավային և Արևմտյան տարածքային կենտրոնների դեղերի շրջանառության վերահսկողության բաժինների աշխատակիցների կողմից իրազեկման այցեր են իրականացվել Սիսիան և Արտաշատ քաղաքներում գործող դեղատներում։ Այցերի ընթացքում դեղատների աշխատակիցներին և դեղատնային գործունեություն իրականացնող տնտեսավարողներին ներկայացվել են էլեկտրոնային դեղատոմսով դուրս գրվող դեղերի վերաբերյալ գործող կարգավորումներն ու դրանց կիրառման ընթացակարգերը։ Հանդիպումների շրջանակում քննարկվել են ոլորտին առնչվող մասնագիտական հարցեր, և տրվել են մասնակիցներին հետաքրքրող հարցերի պատասխաններ։
Մանրամասն ➜
2026 թվականի մայիսի 29-ին Առողջապահական և աշխատանքի տեսչական մարմնի Հյուսիսային տարածքային կենտրոնի աշխատողների առողջության պահպանման և անվտանգության ապահովման վերահսկողության բաժնի պետ-տեսուչ Հմայակ Այվազյանի և բաժնի աշխատակիցների կողմից «Վանաձորի Հ. Թումանյանի անվան պետական համալսարան» հիմնադրամում անցկացվել է իրազեկման սեմինար։ Սեմինարին մասնակցել են համալսարանի երեք տասնյակից ավել ուսանողներ և աշխատակիցներ։ Ներկայացվել են ՀՀ աշխատանքային օրենսգրքով սահմանված նորմերը, առանձին դրույթների կիրառման առանձնահատկությունները և կարգը, ինչպես նաև աշխատանքային օրենսդրությունում կատարված վերջին փոփոխությունները։ Մասնավորապես անդրադարձ է կատարվել աշխատանքային, աշակերտի և փորձնակի պայմանագրերին, ինչպես նաև ուսումնական արձակուրդի տրամադրման և վարձատրության պայմաններին։ Սեմինարի ավարտին անցկացվել է հարցուպատասխան, որի ընթացքում Տեսչական մարմնի ներկայացուցիչները պատասխանել են մասնակիցներին [...]
Մանրամասն ➜
© 2019