Մարտի 19-ին ՀՀ առողջապահական և աշխատանքի տեսչական մարմնի Կառավարման խորհրդի կազմով, ՀՀ Առողջապահության նախարար, խորհրդի նախագահ Անահիտ Ավանեսյանի գլխավորությամբ, ինչպես նաև Տեսչական մարմինների աշխատանքները համակարգող գրասենյակի, Առողջապահության նախարարության և ՀՀ պետական եկամուտների կոմիտեի պաշտոնատար անձանց մասնակցությամբ տեղի է ունեցել աշխատանքային քննարկում։
❗ Քննարկվել են Առողջապահական և աշխատանքի տեսչական մարմնի 2023 թվականի գործունեության ընթացքում հայտնաբերված ռիսկերի և արձանագրված խնդիրների վերաբերյալ հարցեր։
❗ ԱԱՏՄ ղեկավար Սլավիկ Սարգսյանը ներկայացրել է խմելու ջրի որակի, ծխախոտային արտադրատեսակների և դրանց փոխարինիչների օգտագործման նվազեցման ու գովազդի, դեղերի շրջանառության ոլորտի օրենսդրական պահանջների կատարման նկատմամբ իրականացված վերահսկողության վերաբերյալ տեղեկատվություն և դրանց արդյունքում արձանագրված խնդիրները։
✅ Աշխատանքային քննարկման արդյունքում պայմանավորվածություն է ձեռք բերվել գույքագրված խնդիրները լուծել քաղաքականություն մշակող լիազոր պետական մարմինների, շահագրգիռ գերատեսչությունների և Տեսչական մարմնի ակտիվ համագործակցությամբ։