ՀՀ առողջապահության նախարարի (կառավարման խորհրդի նորանշանակ նախագահ) գլխավորությամբ կայացել է ՀՀ առողջապահական և աշխատանքի տեսչական մարմնի կառավարման խորհրդի արտահերթ նիստը։
Օրակարգում ընդգրկված էր երկու հարց.
— ՀՀ առողջապահական և աշխատանքի տեսչական մարմնի ղեկավարի պաշտոնում թեկնածուի առաջադրում ՝ ՀՀ վարչապետի հաստատմանը ներկայացնելու նպատակով։
— ՀՀ առողջապահական և աշխատանքի տեսչական մարմնի ղեկավարի 2023 թվականի 1-ի կիսամյակի (1-ին և 2-րդ եռամսյակների) հաշվետվության նախագծի քննարկում և հավանության արժանացում։
ՀՀ վարչապետի աշխատակազմի տեսչական մարմինների աշխատանքների համակարգման գրասենյակի ղեկավարի պարտականությունները կատարող Արմեն Դանիելյանը կառավարման խորհրդի անդամներին ներկայացրել է Տեսչական մարմնի ղեկավարի թեկնածու՝ ԱԱՏՄ ղեկավարի տեղակալ Սլավիկ Սարգսյանին, որը նախորդ տարվա նոյեմբերից կատարում է ղեկավարի պարտականությունները։
Սլավիկ Սարգսյանը ներկայացրել է ՀՀ առողջապահական և աշխատանքի տեսչական մարմնի 2023 թվականի 1-ի կիսամյակի (1-ին և 2-րդ եռամսյակների) հաշվետվության նախագիծը։
Խորհուրդը՝ փակ քննարկումից հետո, միաձայն հավանություն է տվել Առողջապահական և աշխատանքի տեսչական մարմնի ղեկավարի պաշտոնում Սլավիկ Սարգսյանի թեկնածությանը։
Քննարկման արդյունքում ներկայացված հաշվետվությունը ընդունվել է ի գիտություն։