Տեսուչների կարողությունների զարգացմանն ուղղված վերապատրաստման գործընթացի մեկնարկը տրվել է Տեսչական մարմնի Արևմտյան տարածքային կենտրոնում։

Տեսչական մարմնի աշխատողների առողջության պահպանման և անվտանգության ապահովման վերահսկողության և Աշխատանքային օրենսդրության իրավական վերահսկողության բաժինների տեսուչներին ներկայացվել է «Վարչական իրավախախտումների վերաբերյալ» ՀՀ օրենսգրքով և «Վարչարարության հիմունքների և վարչական վարույթի մասին»» ՀՀ օրենքով սահմանված ընթացակարգերը, ՀՀ կառավարության համապատասխան որոշումները, Աշխատանքի իրավունքի բնագավառում վերահսկողության ստուգաթերթերի վերաբերյալ խորհրդատվություն։

Կայացել է հարց ու պատասխան, քննարկում։ Դասընթացների գնահատման նպատակով անցկացվել է նաև թեսթային աշխատանք։

Դասընթացները վարել են «Միասին նպաստենք Հայաստանում աշխատանքային իրավունքների իրացմանը» ծրագրի համակարգող Նվեր Սարգսյանը, Տեսչական մարմնի աշխատանքային օրենսդրության վերահսկողության վարչության պետ Իգիթ Հակոբյանը, Աշխատողների առողջության պահպանման և անվտանգության ապահովման վերահսկողության բաժնի պետ Աշոտ Հարությունյանը և Աշխատանքային օրենսդրության իրավական վերահսկողության բաժնի պետ Ալվարդ Արշակյանը։

Վերապատրաստման գործընթացը շարունակական է. դասընթացներ անցկացվելու են Տեսչական մարմնի տարածքային բոլոր կենտրոններում։