ՀՀ վարչապետի 2018 թվականի հունիսի 11-ի N 755-Լ որոշմամբ հաստատվել է ՀՀ առողջապահական և աշխատանքի տեսչական մարմնի (Տեսչական մարմին) Կանոնադրությունը։
Կանոնադրության հաստատման կամ այսպես ասած՝ Տեսչական մարմնի կազմավորման 5-ամյակի կապակցությամբ ներկայացնում ենք անցած տարիների ընթացքում ԱԱՏՄ կատարված աշխատանքներից որոշ վիճակագրական տվյալներ։
2019 թվականի հունվարից մինչև 2023 թվականի մայիս ամիսն ընկած ժամանակահատվածում Տեսչական մարմնում հարուցվել է 7790 վարչական վարույթ, որից 1432-ը՝ քաղաքացու դիմումի հիմքով, իսկ 6358-ը՝ Տեսչական մարմնի նախաձեռնությամբ։ Միայն 2023 թվականի հունվար-մայիսն ընկած ժամանակահատվածում հարուցվել է 1677 վարչական վարույթ։ Հարուցված վարչական վարույթների քանակական պատկերը ներկայացնում ենք ըստ տարիների.
Ընդհանուր՝
2019 թվական՝ 1674,
2020 թվական՝ 911,
2021 թվական՝ 1462,
2022 թվական՝ 2066,
2023 թվական՝ ներառյալ մայիս ամիս՝ 1677։
Սեփական նախաձեռնությամբ՝
2019 թվական՝ 1499,
2020 թվական՝ 744,
2021 թվական՝ 1072,
2022 թվական՝ 1581,
2023 թվական՝ ներառյալ մայիս ամիս՝ 1462։
Դիմումի հիմքով՝
2019 թվական՝ 175,
2020 թվական՝ 167,
2021 թվական՝ 390,
2022 թվական՝ 485,
2023 թվական՝ ներառյալ մայիս ամիս՝ 215։
© 2019