Սլավիկ Սարգսյանը ծանոթացել է Տեսչական մարմնի վարչական նոր շենքի շինարարության ընթացքին

ՀՀ առողջապահական և աշխատանքի տեսչական մարմնի ղեկավարի պարտականությունները կատարող Սլավիկ Սարգսյանն այցելել է կառավարության որոշմամբ Տեսչական մարմնին ամրակցված վարչական նոր շենք, որտեղ այս պահին շարունակվում են վերանորոգման աշխատանքները։

Սլավիկ Սարգսյանը ծանոթացել է վերանորոգման աշխատանքների ընթացքին։ Շինարարական կազմակերպության ներկայացուցիչները հայտնել են, որ արդեն իսկ ավարտել են տանիքի վերանորոգման աշխատանքները, ընթացքի մեջ են արտաքին և ներքին հարդարման աշխատանքները։ Այցի ժամանակ քննարկվել են շենքի վերանորոգման հետ կապված մի շարք այլ ընթացիկ հարցեր ևս։

Վերանորոգման աշխատանքներն ավարտվելուն պես Արարատյան 26 հասցեում գտնվող տարածքում կտեղակայվեն Տեսչական մարմնի կենտրոնական ապարատի և Երևանի տարածքային կենտրոնի աշխատակիցները՝ մոտ 150 հոգի։

Հիշեցնենք, որ Տեսչական մարմնի և ՄԱԿ-ի զարգացման ծրագրի հայաստանյան գրասենյակի միջև ստորագրված հուշագրի համաձայն՝ տարածքի նախագծանախահաշվային աշխատանքները կատարվել են անվճար հիմունքներով, իսկ էներգախնայող աշխատանքների իրականացման համար նախատեսված միջոցների 20%-ը համաֆինանսավորվելու է նշյալ ծրագրի կողմից։

Վերադառնալ