2026 թվականի հոկտեմբերի 6-ին Առողջապահական և աշխատանքի տեսչական մարմնի ղեկավարի տեղակալ Վահագն Գրիգորյանը և աշխատողների առողջության պահպանման և անվտանգության ապահովման վերահսկողության բաժնի աշխատակիցները շրջայց-իրազեկում են իրականացրել Երևանում գործող «ՄԵՏԱԼ ԳՐՈՒՊ» ՍՊԸ-ում։
Շրջայցի ընթացքում ներկայացվել են մետաղական խողովակների արտադրամասում անվտանգ աշխատանքի կազմակերպման, աշխատողների առողջության և անվտանգության պահպանմանն ուղղված կանխարգելիչ միջոցառումները, այդ թվում՝ անհատական և կոլեկտիվ պաշտպանության միջոցների կիրառումը, կամրջակային կռունկների անվտանգ շահագործումը, առաջին օգնության հասանելիությունը, ինչպես նաև սանիտարահիգիենիկ և սանիտարակենցաղային պայմանների ապահովումը։
Քննարկվել են նաև արտադրական ռիսկերի կանխարգելման և անվտանգ աշխատանքային միջավայրի ապահովման հարցերը։ Աշխատողների բարձրացրած հարցերը քննարկվել են տեղում։
© 2019