ՀՀ առողջապահական և աշխատանքի տեսչական մարմնի Արևմտյան տարածքային կենտրոնի Էջմիածնի բաժնի մասնագետները իրազեկման հերթական սեմինարն անցկացրել են Արմավիրի մարզի Էջմիածնի բժշկական կենտրոնում։
Ներկաներին ողջունել են Տեսչական մարմնի Արևմտյան տարածքային կենտրոնի Էջմիածնի բաժնի պետ-տեսուչ Դավիթ Ղազարյանը և Էջմիածնի բժշկական կենտրոնի փոխտնօրեն Արթուր Հարությունյանը։
Բուժանձնակազմի շուրջ 2 տասնյակ ներկայացուցիչների՝ համաճարակաբանների, ինֆեկցիոնիստների համար սեմինարն անցկացրել է Էջմիածնի բաժնի ավագ տեսուչ Արման Աղիկյանը։ Թեման՝ «Սանիտարահիգիենիկ անվտանգություն և համաճարակաբանական ներկա իրավիճակը»։
Տեսչական մարմնի մասնագետը ներկայացրել է համաճարակաբանական վիճակն Արմավիրի մարզում, ինչպես նաև անդրադարձել հանրային առողջապահության ոլորտում իրազեկման միջոցառումների անհրաժեշտությանը։ Մանրամասն քննարկվել են ՀՀ առողջապահության նախարարի հրամանով հաստատված սանիտարական կանոնների և նորմերի պահանջները, ոլորտում գործող իրավական ակտերը, սահմանված նորմերն ու դրանց կիրարկման ընթացքը։
Տեսչական մարմնի մասնագետները պատասխանել են նաև բուժանձնակազմի բարձրացրած հարցերին։