Սեմինարն անցկացրել են Տեսչական մարմնի Երևան քաղաքի տարածքային կենտրոնի Բժշկական օգնության և սպասարկման վերահսկողության բաժնի պետ Նաիրա Մերվազյանը և նույն բաժնի ավագ տեսուչ Լիլիթ Ղազարյանը։

Սեմինարին ներկա է եղել Տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը։

Մասնակիցներին ներկայացվել են 2023 թվականին բժշկական կազմակերպություններում ստուգումների ընթացքում կիրառվող իրավական ակտերը, բժշկական օգնության և սպասարկման վերահսկողության ոլորտում ՀՀ կառավարության որոշումներն ու առողջապահության նախարարի հրամանները, ծխախոտի և փոխարինիչների նկատմամբ Տեսչական մարմնի վերահսկողական գործառույթները, ինչպես նաև ծանոթացրել են ՇՄԶ հավաստագրման գործընթացում Տեսչական մարմնի գործառույթներին։

Տեսչական մարմնի մասնագետները պատասխանել են նաև բժշկական կազմակերպությունների ներկայացուցիչների հարցերին։