Իրազեկման սեմինար՝ Տեսչական մարմնում

2026 թվականի սեպտեմբերի 24-ին Առողջապահական և աշխատանքի տեսչական մարմնի հիգիենիկ, սանիտարահիգիենիկ և հակահամաճարակային վերահսկողության վարչության աշխատակիցներն անցկացրել են իրազեկման սեմինար՝ վարսավիրանոցների և գեղեցկության սրահների այլ ծառայություններ մատուցող տնտեսավարող սուբյեկտներին ներկայացվող սանիտարահամաճարակային անվտանգության ապահովման ոլորտի օրենսդրության պահանջների վերաբերյալ։

Սեմինարի ընթացքում ներկայացվել են ոլորտը կարգավորող հիմնական նորմատիվ իրավական պահանջները, մասնավորապես՝

• Առողջապահության նախարարի 2002 թվականի նոյեմբերի 29-ի N 804 հրամանով հաստատված «Գեղեցկության սրահներին ներկայացվող N 2-III-2.2.3 սանիտարական կանոնները»,
• Առողջապահության նախարարի 2025 թվականի հոկտեմբերի 13-ի N 139-Ն հրամանով հաստատված «Բժշկական արտադրատեսակների մաքրմանը, ախտահանմանը, նախամանրէազերծմանը և մանրէազերծմանը ներկայացվող պահանջներ» հանրային առողջապահական նորմատիվը։

Մասնակիցներին ներկայացվել են նաև վերոնշյալ նորմատիվների պահանջների հիման վրա մշակված «Վարսավիրանոցների և գեղեցկության սրահների այլ ծառայությունների հաստատություններում սանիտարահիգիենիկ և հակահամաճարակային բնագավառի վերահսկողություն» N 1.6 ստուգաթերթով նախատեսված հիմնական պահանջները։

Սեմինարի ընթացքում անդրադարձ է կատարվել ոլորտում գործունեություն իրականացնող տնտեսավարող սուբյեկտների կողմից սանիտարահիգիենիկ և հակահամաճարակային պահանջների պահպանման կարևորությանը։

Վերադառնալ