Հերթական սեմինար ԱԱՏՄ Արևմտյան տարածքային կենտրոնում

ՀՀ առողջապահական և աշխատանքի տեսչական մարմնի Արևմտյան տարածքային կենտրոնի տեսուչները մարտի 18-ին Արարատի մարզի Արարատ խոշորացված համայնքում իրականացրել են հերթական իրազեկման սեմինար-դասընթացը։

Սեմինարին ներկա են եղել շուրջ 11 նախադպրոցական ուսումնական հաստատությունների 20-ից ավել ներկայացուցիչներ՝ տնօրեններ և բուժքույրեր։ Արևմտյան տարածքային կենտրոնի պետ Գնել Սարգսյանը ողջունելով մասնակիցներին ներկայացրել է Տեսչական մարմնի առաջնահերթությունները, սկզբունքները և աշխատանքային որոշ առանձնահատկություններ։

Հանդիպման ընթացքում սեմինավարները մասնակիցներին ծանոթացրել են նախադպրոցական ուսումնական հաստատությունների սանիտարական վիճակին և պահպանմանը, օդի ջերմային ռեժիմին,  երեխաների բժշկական օգնության և սպասարկման կազմակերպմանը, աշխատակիցների անձնական հիգիենային, հաստատությունում երեխայի ընդունելությանը ներկայացվող պահանջների, ինչպես նաև նախադպրոցական կազմակերպություններում  կարմրուկի, ջրծաղիկի, գրիպի և սուր շնչառական վարակների տարածման կանխարգելման  վերաբերյալ իրավական կարգավորումներին։

Տարածքային կենտրոնի տեսուչները սեմինար-դասընթացի մասնակիցներին ներկայացրել են նաև 2023 թվականի հուլիսի 31-ից ուժի մեջ մտած ՀՀ աշխատանքային օրենսգրքում կատարված ծավալուն փոփոխությունները, ծանոթացրել որոշ դրույթների։

Հանդիպման ավարտին տեղի է ունեցել հարց ու պատասխան, քննարկում։

Վերադառնալ