Կայացել է Աշխատանքի տեսչությունների Եվրասիական տարածաշրջանային դաշինքի հերթական համաժողովը

ՀՀ առողջապահական և աշխատանքի տեսչական մարմնի ղեկավար Սլավիկ Սարգսյանը հեռավար մասնակցել է Ռուսաստանի Դաշնության Սոչի քաղաքում կայացած Եվրասիական տարածաշրջանային դաշինքի Աշխատանքի տեսչությունների համաժողովին, որն անցկացվում էր Աշխատանքի անվտանգության VIII համառուսաստանյան շաբաթվա շրջանակներում։

Մասնակիցներին ողջունել է ՌԴ աշխատանքի և զբաղվածության դաշնային ծառայության ղեկավարի տեղակալ, Աշխատանքի տեսչությունների միջազգային ասոցիացիայի փոխնախագահ Իվան Շկլովեցը։

Համաժողովի օրակարգում էին՝

• Եվրասիական տարածաշրջանային Դաշինքի 2023 թվականի գործողությունների ծրագրի կատարումը,
• Դաշինքի՝ Ռուսաստանի արհմիությունների անկախ ֆեդերացիայի երկխոսային գործընկերոջ կարգավիճակով անդամակցությունը,
• Ղազախստանի Հանրապետությունում մինչև 2030 թվականը անվտանգ աշխատանքի հայեցակարգի ներկայացումը,
• Աշխատանքի տեսուչների ֆորումը՝ որպես Դաշինքի անդամ երկրների մասնագետների կարողությունների կատարելագործման միջոց,
• Դաշինքի անդամ երկրների լավագույն աշխատանքային տեսուչի թեկնածության ներկայացման մեխանիզմը հաստատելու և լավագույն աշխատանքային տեսուչների առաջին մրցանակաբաշխության կազմակերպումը, այդ թվում.
• Օրակարգում ներառված այլ հարցեր։
  
  Համաժողովի օրակարգի հարցերի մի մասը հաստատվել է, մյուս մասի համար  աշխատանքային կարգով սեղմ ժամկերտներում քննարկելու պայմանավորվածություն է ձեռք բերվել։

  
  
  

Վերադառնալ