ՀՀ առողջապահական և աշխատանքի տեսչական մարմնի ղեկավարի պարտականությունները կատարող Սլավիկ Սարգսյանի գլխավորությամբ մայիսի 22-ին Տեսչական մարմնում տեղի է ունեցել աշխատանքային քննարկում, որին ներկա են եղել Տեսչական մարմնի ղեկավարի տեղակալներ՝ Գոհար Դարբինյանն ու Վահագն Գրիգորյանը, Տեսչական մարմնի հիմնական մասնագիտական կառուցվածքային ստորաբաժանումների ղեկավարները։

Խորհրդակցությանն առցանց մասնակցել են նաև Տեսչական մարմնի տարածքային կենտրոնների ղեկավարները։

Քննարկվել են Տեսչական մարմնի մասնագիտական ստորաբաժանումների աշխատանքների կազմակերպման և տարեկան ստուգումների իրականացման վերաբերյալ սկզբունքային հարցեր, ինչպես նաև Տեսչական մարմնի վերահսկողության ոլորտներում աշխատանքների արդյունավետ կառավարման ընթացիկ այլ հարցեր։