ՀՀ առողջապահական և աշխատանքի տեսչական մարմնի Աշխատանքային օրենսդրության իրավական վերահսկողության բաժնի գլխավոր տեսուչ Հրանտ Պապիկյանը մասնակցել է «Աշխատաշուկայում կանանց մասնակցության խթանում» ծրագրի մեկնարկին:
Այն նախաձեռնել են «Օքսիջեն» հիմնադրամն ու «Սոլիդարիթի Սենթեր» կազմակերպության հայաստանյան մասնաճյուղը:
Ծրագրի նպատակն է՝
— խթանել կանանց նպաստավոր պայմաններով աշխատանքի հասանելիության գործընթացը,
— նպաստել խոցելի խմբերի կին աշխատողների աշխատանքային պայմանների բարելավմանը,
— նվազեցնել խոչընդոտները և բարելավել հանրային քաղաքականությունը, օրենսդրական կարգավորումները և գործընթացները՝ տնտեսությունում կանանց մասնակցությունը դյուրացնելու նպատակով։
Պետական հաստատությունների ներկայացուցիչների, արհմիությունների, քաղհասարակության եւ շահագրգիռ այլ կողմերի ներկայացուցիչների հետ միասին քննարկվել են համատեղ աշխատանքի հետագա ծրագրերը:
Տեղի է ունեցել հարց ու պատասխան։