2021 թ․ հունվար-հունիս ամսիներին Առողջապահական և աշխատանքի տեսչական մարմինը ստացել է 1078 զանգ՝ 2020 թ-ի նույն ժամանակաշրջանի 1715 զանգի փոխարեն։
Զանգերի քանակի նվազումը պայմանավորված է սահմանափակումների թուլացմամբ և արտակարգ դրության պայմաններում սահմանված նորմերի մասին տնտեսավարողների իրազեկվածության բարձրացմամբ։
Եթե 2020-ին առավելապես ստացվել են COVID 19-ի և պարետի որոշումների հետ կապված զանգեր, ապա այս տարվա առաջին 6 ամսում գերակշռել են աշխատանքային իրավահարաբերություններին վերաբերող զանգերը։
Հիշեցնենք, որ 2020 թ-ին երկրում արտակարգ դրություն հայտարարելով և փետրվարից ԱԱՏՄ «Թեժ գիծ» ծառայության նոր՝ 8107 հեռախոսահամարի գործարկմամբ պայմանավորված՝ ՀՀ առողջապահական և աշխատանքի տեսչական մարմնի թեժ գծով ստացված զանգերի թիվը զգալի աճ էր գրանցել՝ տարվա կտրվածքով գերազանցելով 2500-ը։