ՀՀ առողջապահական և աշխատանքի տեսչական մարմնի հարավային տարածքային կենտրոնի մասնագիտական խմբերը Covid-անվտանգության պահպանման կանոնները դիտարկել են Կապան և Սիսիան քաղաքների դեղատներում, վարսավիրանոցներում և, մանրամեծածախ առևտրի կետերում։

Ստուգվել է տարածքների ախտահանման գործընթացը, օգտագործված դիմակների համար նախատեսված փակ աղբամանների առկայությունը, գրանցամատյանների լրացման կարգը։ Արձանագրված խախտումների համար Տեսչականի մասնագետները տվել են շտկման հանձնարարականներ։

Տեսչական մարմնի մասնագետները տնտեսավարողներին զգուշացրել են խախտումներ արձանագրելու դեպքում վարչարարություն կիրառելու մասին։