ՀՀ առողջապահական և աշխատանքի տեսչական մարմնի ղեկավարի առաջարկով և ՀՀ առողջապահության նախարարի հանձնարարությամբ համատեղ քննարկումներ են սկսվել 2 կառույցների ոլորտային վարչությունների միջև։
Հիգիենիկ-հակահամաճարակային և բնակչության բժշկական օգնության ոլորտների վերահսկողության մասնագետներն աշխատանքային հանդիպումների ընթացքում քննարկել են 2021 թ․-ի ստուգումների ընթացքում արձանագրված խնդիրները, օրենսդրական առկա բացերը, նախանշվել են դրանց լուծման ճանապարհները։
Երկու գերատեսչությունների ներկայացուցիչները՝ որպես ոլորտի քաղաքականություն մշակող և վերահսկողություն իրականացնողներ, կարևորել են այս ձևաչափով փոխգործակցությունը, աշխատանքային քննարկումների շարունակականությունը և սերտ համագործակցությունը։
© 2019