Առողջապահական եւ աշխատանքի տեսչական մարմնի աշխատողների երեխաները նկարներով են փոխանցել պատկերացումներն իրենց ծնողների ծանրաբեռնված աշխատանքի, հանգստի օր չճանաչող ստուգայցերի եւ լարված գրաֆիկի մասին։
19 հազարին մոտ ստուգայց, ավելի քան 2 հազար 700 կասեցում` համավարակի շրջանում ուժեղացված վերահսկողական աշխատանքի արդյունքում։
Թեժ գիծը միայն մայիսին ստացել է ավելի շատ ահազանգ, քան նախորդ ողջ տարվա ընթացքում։ Կտրուկ ավելացած զանգերի համատեքստում որեւէ ահազանգ առանց արձագանքի չի մնացել։
Այս վիճակագրության մյուս կողմում աշխատանքից իրենց ծնողների վերադարձին երկար սպասող երեխաների պատկերացումներն են` ամփոփված տեսչականում կազմակերպված փոքր ցուցադրության մեջ։