ՀՀ առողջապահական և աշխատանքի տեսչական մարմնի և Հայաստանի ազգային ագրարային համալսարանի միջև ստորագրված համագործակցության հուշագրի շրջանակներում Տեսչական մարմնում անցկացվել է Ագրարային համալսարանի ուսանողների ուսումնական պրակտիկան։
Երեքշաբաթյա սեմինարի ընթացքում Տեսչական մարմնի Աշխատանքային օրենսդրության վերահսկողության վարչության մասնագետները ուսանողներին ծանոթացրել են Տեսչական մարմնի կանոնադրությամբ ամրագրված գործառույթներին, ինչպես նաև լիազորությունների շրջանակներում իրականացվող աշխատանքներին։
Ուսանողները պրակտիկայի ընթացքում ուսումնասիրել են նաև Աշխատողների առողջության պահպանման և անվտանգության ապահովման բնագավառի հարաբերությունները կարգավորող ակտերն ու աշխատանքային օրենսդրության ոլորտի այլ կարգավորումները։
Պրակտիկայի ավարտին Տեսչական մարմնի Աշխատանքային օրենսդրության վերահսկողության վարչության պետ Իգիթ Հակոբյանը գնահատեց ուսանողների մասնակցությունն ու հանձնեց պրակտիկայի գնահատման թերթիկները։