Դպրոցներ, դեղատներում, գրասենյակներ և առևտրի կենտրոններ. ԱԱՏՄ արևմտյան տարածքային կենտրոնի աշխատակիցները ուշադրության տակ են առել նշված հաստատություններում Covid-անվտանգության նորմերի պահպանումը։
ՀՀ առողջապահական և աշխատանքի տեսչական մարմնի արևմտյան տարածքային կենտրոնի աշխատակիցները ուժեղացված ստուգայցի ընթացքում արձանագրած թերություններն ու խախտումները վերացնելու ուղղությամբ որոշ կազմակերպությունների հանձնարարականներ են տվել։
ԱԱՏՄ արևմտյան տարածքային կենտրոնի աշխատակիցները ստուգայցերին զուգահեռ իրականացրել են իրազեկման և խորհրդատվության աշխատանք, փակցրել են իրազեկման թերթիկներ։
Հիշեցնենք, որ անվտանգության կանոնների պահպանումը և թերությունների վերացումը դիտարկվում է հետագա ստուգայցերի միջոցով։