Երեւանի քաղաքապետարանում նախորդիվ արձանագրված որոշ թերությունների վերացված լինելը պարզելու նպատակով ՀՀ ԱԱՏՄ Երեւանի տարածքային կենտրոնի մասնագետներն այսօր կրկնայց են կատարել։
Արձանագրվել է, որ ախտահանման եւ ջերմաչափման գրանցամատյանները շարունակում են չհամապատասխանել սահմանված ձեւաչափին։ Աշխատակիցների ջերմությունը չափվում է օրական մեկ անգամ, թեեւ սահմանված է օրական 2 անգամ պարտադիր ջերմաչափում։ Աղբամանների քանակը եւս չի համապատասխանել սահմանված նորմերին։
Ստուգայց է անցկացվել նաեւ Երեւան տոնավաճառում։ Հիմնական խախտումներից են գրանցամատյանները հին ձևաչափերով լրացնելը, որոշ դեպքերում դիմակներ չկրելը կամ պատշաճ չկրելը։
Ըստ տեսչական մարմնի մասնագետների՝ վերջին օրերի ստուգայցերը փաստում են, որ համավարակի տարածումը կանխելուն միտված անվտանգության նորմերը ներկայում տնտեսավարողների կողմից շատ ավելի բարեխղճորեն են պահպանվում։
Խախտումներ թույլ տված տնտեսվարողներին ԱԱՏՄ տեսուչները տալիս են դրանք անհապաղ վերացնելու հանձնարարականներ։ Անակնկալ ստուգայցերը, այդ թվում` կրկնայցերը, շարունակվում են։
© 2019