Հայաստանի ազգային ագրարային համալսարանի հեռակա ուսուցման դեպարտամենտի «Կենսագործունեության անվտանգության» մասնագիտության վեցերորդ կուրսի ուսանողների հերթական խումբը ուսումնական պրակտիկան անցկացնում է ՀՀ առողջապահական և աշխատանքի տեսչական մարմնում։
Նոյեմբերի 1-ին ուսանողների հետ հանդիպեց Տեսչական մարմնի ղեկավար Հակոբ Ավագյանը։ Ողջունելով ուսանողներին, Տեսչական մարմնի ղեկավարն ուսանողներին ծանոթացրեց մարմնի վերահսկողական գործառույթների առանձնահատկություններին և իրականացվող ծրագրերին։
Անմիջական զրույցի ընթացքում Հակոբ Ավագյանը հետաքրքրվեց հեռակա ծրագրով սովորող ուսանողների զբաղվածությանը և ընդգծեց Տեսչական մարմնում մասնագիտական պրակտիկ գիտելիքների ձեռքբերման և հմտությունների յուրացման կարևորությունը՝ բուհում ստացած գիտելիքները գործնականում կիրառելու համար։
Ուսանողների համար պրակտիկան առավել արդյունավետ դարձնելու նպատակով, Տեսչական մարմնի ղեկավարը հանձնարարեց միջոցներ ձեռնարկել հաջորդ հանդիպումը անցկացնել Աշխատողների առողջության պահպանման և անվտանգության ապահովման վերահսկողության բաժնի մասնագետների հետ՝ շինարարական հրապարակում։
Պրակտիկայի ընթացքում սովորողները ուսումնասիրել են աշխատողների առողջության պահպանման և անվտանգության ապահովման բնագավառի հարաբերությունները կարգավորող ակտերն ու աշխատանքային օրենսդրության ոլորտի այլ կարգավորումները։