Կայացել է ՀՀ ԱԱՏՄ ղեկավարին կից աշխատանքային իրավունքների թեմայով խորհրդակցական աշխատանքային խմբի այս տարվա առաջին նիստը

ՀՀ առողջապահական և աշխատանքի տեսչական մարմնում կայացել է Տեսչական մարմնի ղեկավարին կից աշխատանքային իրավունքների թեմայով խորհրդակցական խմբի 2021 թվականի առաջին նիստը։

Տեսչական մարմնի ղեկավար Հակոբ Ավագյանը ողջունել է մասնակիցներին և ներկայացրել  նախորդ տարում նույն կազմով կայացած աշխատանքային խորհրդակցական նիստում բարձրացված հարցերի լուծման ուղղությամբ արված աշխատանքները։

Օրակարգում՝ 2020 թվականի ընթացքում Տեսչական մարմնի կողմից առաջին անգամ իրականացված տարեկան պլանային ստուգումների արդյունքների ու  հաճախ հանդիպող խախտումների ներկայացումն ու քննարկումն  էր, ինչպես նաև 2020 թվականի ընթացքում Տեսչական մարմնին հասցեագրված աշխատանքային իրավունքին վերաբերվող բողոքներով վարչական վարույթների մասին տվյալների ներկայացումը։
Նիստի մասնակիցներն իրազեկվել են նաև 2021 թվականի հուլիսի 1-ից Տեսչական մարմնին վերապահված աշխատանքային օրենսդրության պահանջների կատարման նկատմամբ պետական վերահսկողական լիազորությունների  և դրանց իրականացմանն ուղղված անելիքների  մասին։

Օրակարգում ընդգրկված հարցերից բացի քննարկվել են Տեսչական մարմնում աշխատանքային իրավունքի, այդ թվում աշխատողների անվտանգության վերահսկողության ոլորտում առկա օրենսդրական և այլ խնդիրներ։

Խորհրդակցական խմբի անդամները բարձր են գնահատել երկխոսության  այս հարթակի ստեղծումը, ձեռք բերված պայմանավորվածություններն ու պատրաստակամություն են հայտնել շարունակել համատեղ աշխատանքը։

Տեսչական մարմնի ղեկավարը շնորհակալություն է հայտնել մասնակիցներին՝ կարևորելով այն հանգամանքը, որ շատ խնդիրներ կանխվում են հենց նման երկխոսությունների շնորհիվ։

Մինչ նիստի մեկնարկը խորհրդակցական աշխատանքային խմբի անդամները շրջայց են կատարվել Տեսչական մարմնում և ծանոթացել աշխատանքային պայմաններին։

Մասնակիցներ՝

Տեսչական մարմնի ղեկավար Հակոբ Ավագյան,
Տեսչական մարմնի ղեկավարի տեղակալ Գոհար Դարբինյան,
Որակի ապահովման վարչություն պետ Թագուհի Հակոբյան,
Աշխատողների առողջության պահպանման և անվտանգության ապահովման վերահսկողության բաժնի պետ Աշոտ Հարությունյան,
Աշխատանքային օրենսդրության իրավական վերահսկողության բաժնի պետի պաշտոնակատար Ալվարդ Արշակյան,
Աշխատանքային օրենսդրության իրավական վերահսկողության բաժնի գլխավոր տեսուչ Հրանտ Պապիկյան։

1. «Իմ քայլ» խմբակցության պատգամավոր Հերիքնազ Տիգրանյան,
2. Հայաստանի գործատուների հանրապետական միության նախագահ Գագիկ Մակարյան,
3. «ՀԷՑ» ՓԲԸ Անվտանգության և վերահսկողության տնօրենի տեղակալ Վարդան Բուռնազյան,
4. «Զանգեզուրի պղնձամոլիբդենային կոմբինատ» ՓԲԸ կայուն զարգացման գծով տնօրեն Սամվել Ալեքսանյան,
5. Հայաստանի ազգային ագրարային համալսարանի «Անտոն Երվանդի Քոչինյանի անվան քոլեջ»-ի փոխտնօրեն Լիանա Խաչատրյան,
6. Հայաստանի արհմիությունների կոնֆեդերացիայի աշխատակազմի Սոցիալ-տնտեսական և աշխատանքի պաշտպանության բաժնի պետ Կարինե Մադոյան:

Վերադառնալ