Կայացել է Բաց կառավարման գործընկերություն-Հայաստան աշխատանքային խմբի առցանց քննարկումը

ՀՀ կառավարության սույն թվականի հոկտեմբերի 06-ի նիստում հավանության է արժանացել ««Բաց կառավարման գործընկերություն-Հայաստան» նախաձեռնության շրջա­նակ­ներում ՀՀ  2022-2024թթ. գործողությունների ծրագիր»  կառավարության որոշման նախագիծը։

Նախագծում ներառված է նաև ՀՀ առողջապահական և աշխատանքի տեսչական մարմնի հանձնառության առաջարկությունը, այն է՝  ՀՀ-ում աշխատանքային պայմանագրերի հաշվառման էլեկտրոնային համակարգի (հարթակի) ներդրման միջոցով թվայնացնել ՀՀ թե՛ պետական, թե՛ մասնավոր հատվածում կնքվող աշխատանքային պայմանագրերը (աշխատանքի ընդունման մասին անհատական իրավական ակտերը)՝ աշխատողների աշխատանքի ազատ ընտրության և աշխատանքային իրավունքների պաշտպանության համակարգի բարելավման նպատակով։

ԲԿԳ-Հայաստան աշխատանքային խմբի համակարգող Լիլյա Աֆրիկյանի նախաձեռնությամբ, այսօր կայացել է Բաց կառավարման գործընկերություն-Հայաստան (ԲԿԳ) աշխատանքային խմբի առցանց քննարկումը, որին մասնակցել են ՀՀ առողջապահական և աշխատանքի տեսչական մարմնի ներկայացուցիչները, ովքեր ևս մեկ անգամ ներկայացրել են վերոհիշյալ հանձնառության կարևորությունը մեր երկրի համար։

Քննարկմանը հաջորդել է հարց ու պատասխան, հնչել են  առաջարկներ։

Վերադառնալ