ՀՀ առողջապահական և աշխատանքի տեսչական մարմնի Բժշկական օգնության և սպասարկման վերահսկողության վարչության պետ Քրիստինե Աբրահամյանը մասնակցել է «Կյանք առանց ցավի» արշավի շրջանակներում կազմակերպված կլոր-սեղան քննարկմանը, որը նախաձեռնել էր «Իրական աշխարհ, իրական մարդիկ» ՀԿ-ն։
Կլոր-սեղանի ժամանակ քննարկվել է պալիատիվ բուժօգնություն տրամադրողների համար փորձի փոխանակման հարթակի ստեղծման հարցը, ներկայացվել են ձեռքբերումներն ու խնդիրները, միջազգային փորձը, ինչպես նաև հնչել են ոլորտը բարելավելու առաջարկություններ։
Հանդիպմանը մասնակցել են նաև ՀՀ առողջապահության նախարարության, Երևանի և ՀՀ մարզային պալիատիվ բուժօգնություն տրամադրող և այլ բժշկական կազմակերպությունների ղեկավարներ։