Առողջապահական և աշխատանքի տեսչական մարմինն ուժեղացված ստուգայցերը շարունակում է նույն տեմպով, քանի դեռ համավարակի տարածման ռիսկերը շարունակում են բարձր մնալ։
Դրանք այսօր ընթացել են Դիլիջանում եւ Իջևանում։
Դիլիջան քաղաքում ԱԱՏՄ տեսուչները դիտարկել են շուրջ 40 տնտեսավարողի գործունեություն՝ մթերային, հագուստի, տնտեսական խանութներում, դեղատներում և այլն: Անվտանգության նորմերի խախտումներ չեն արձանագրվել։
Իջևանում դիտարկված շուրջ 70 տնտեսավարողից 6-ի կասեցման միջնորդություն կներկայացվի պարետատուն: Դրանց մոտ հիմնականում արձանագրվել են ախտահանման լուծույթների ու ջերմաչափման գրանցամատյանների հետ կապված թերացումներ. դրանք կամ ճիշտ չեն լրացվել, կամ ընդհանրապես բացակայել են:
Պարետի սահմանած անվտանգության բոլոր կանոնները դիտարկվում են ամենայն խստությամբ, քանի որ դրանց համակցված պահպանման դեպքում միայն կարելի է բացառել վիրուսի տարածման հավանականությունը։
ԱԱՏՄ-ն մեկ անգամ ևս հորդորում է խստորեն պահպանել ՀՀ պարետի որոշումներով սահմանված անվտանգության նորմերը:
© 2019