Աշխատանքային այց՝ մարզային ստորաբաժանումներ եւ սահմանային բժշկասանիտարական հսկիչ կետեր․ ԱԱՏՄ ղեկավարին զեկուցվել է աշխատանքների ընթացքը
ՀՀ առողջապահական եւ աշխատանքի տեսչական մարմնի ղեկավար Հակոբ Ավագյանն աշխատանքային այցի ընթացքում Հյուսիսային տարածքային կենտրոնի աշխատանքային թիմին ներկայացրել է նորանշանակ ղեկավար Արման Ոսկանյանին, միաժամանակ ծանոթացել ուժեղացված ռեժիմով աշխատանքների ընթացքին։
Շիրակի, Լոռու, Տավուշի մարզերը սպասարկող Հյուսիսային տարածքային կենտրոնի (գրասենյակը՝ Վանաձոր) աշխատանքերին նոր որակ եւ օպերատիվություն հաղորդելու նպատակով ստեղծվել են դրա բաժինները Գյումրիում եւ Իջեւանում։
Վերջինս ԱԱՏՄ ղեկավարի աշխատանքային այցի հաջորդ կանգառն էր։ Իջևանի բաժնի նորանշանակ պետ Վիլյամ Օհանյանի հետ քննարկվել են աշխատանքների կանոնակարգման, տեխնիկական վերազինման հարցեր։
Հակոբ Ավագյանն այցելել է նաեւ Բագրատաշենի բժշկասանիտարական հսկիչ կետ, որն այս օրերին աշխատում է գերծանրաբեռնված գրաֆիկով՝ իրականացնելով, մասնավորապես, ՀՀ տարածք մուտք գործող բեռնատարների վարորդների և դրանց ուղևորների ստուգում՝ հարցման, վարակիչ հիվանդություններին բնորոշ կլինիկական ախտանշանների արտաքին զննման, հեռահար ջերմաչափման միջոցով, ծանուցում է ինքնամեկուսացման պարտադիր պայմանի մասին՝ տրամադրելով ծանուցման թերթիկներ․ առանց վերջիններիս լրացման եւ ստորագրման որեւէ անձ երկիր մուտք գործել չի կարող։
© 2019