Դրանց աշխատանքը որոշ ժամանակով կասեցվել է ԱԱՏՄ արձանագրած խախտումների հիմքով։
Մարզի տնտեսվարողների մոտ ամենօրյա ռեժիմով իրականացվել են ուժեղացված վերահսկողական աշխատանքներ, արձանագրվել են տարատեսակ ու բազմաբնույթ խախտումներ, եղել են նաև ժամանակավոր կասեցման որոշումներ։
Կրկնախախտումներ Սյունիքում չկան, վարչական վարույթ հարուցելու խնդիր ևս չի եղել:
Շատ տնտեսվարողներ նույնիսկ պատրաստակամ են կատարել Պարետի սահմանած որոշումները, սակայն սկզբնական շրջանում այստեղ պատշաճ իրազեկված չեն եղել: Այս հարցում մշտադիտարկումներին զուգահեռ աջակցություն է ցուցաբերել ԱԱՏՄ թիմը:
Սյունիքի մարզում իրականացված վերահսկողական աշխատանքների մասին խոսել է ԱԱՏՄ Արևելյան տարածքային ստորաբաժանման մասնագետ Աշոտ Ծատրյանը՝ «Զանգեզուր» հեռուստաընկերության «Կարևորի մասին» հաղորդման տաղավարում: