ԱՄԿ-ն փորձագիտական աջակցությունն կտրամադրի ԱԱՏՄ-ին՝ ինչպես առավել սահուն եւ արդյունավետ ստանձնել աշխատանքային իրավահարաբերությունների կարգավորման նոր լիազորությունները, որոնք ուժի մեջ են մտնում 2021 թ․ հուլիսից։
ԵՄ ֆինանսական աջակցությամբ Աշխատանքի միջազգային կազմակերպության կողմից իրականացվող «Աջակցություն GSP+ համակարգի երկրներին» նախագծի շրջանակում կգնահատվի, թե նոր լիազորությունների ստանձնումը մարդկային, ֆինանսական եւ տեխնիկական ինչ ռեսուրսներ է պահանջում, օրենսդրական եւ ենթաօրենսդրական ակտերի ինչ փոփոխությունների կարիք կա։
Խորհրդատվություն կտրամադրվի ԱԱՏՄ կառուցվածքի, աշխատակազմի, բյուջեի գնահատման հարցում։
Թեմային առնչվող հարցեր են քննարկվել ՀՀ ԱԱՏՄ ղեկավար Հակոբ Ավագյանի եւ ԱՄԿ փորձագետ Հովհաննես Ավետիսյանի աշխատանքային հանդիպման ընթացքում։
Մասնավորապես, անդրադարձ է կատարվել հարցին, թե ինչ անելիքներ կան ԱՄԿ կոնվենցիայով եւ GSP+ համակարգին անդամակցությամբ Հայաստանի ստանձած պարտավորությունների պատշաճ կատարման առումով։
Աշխատանքային իրավունքի պաշտպանության նոր լիազորությունները ենթադրում են ունենալ մասնագիտական առավել ուժեղ թիմ, փաստաթղթային բազա, համալրված ենթակառուցվածքներ, ինչին ուղղված քայլեր են ձեռնարկվում ԱԱՏՄ կողմից։