ՀՀ ԱԱՏՄ Արևմտյան տարածքային կենտրոնի մասնագետները դիտարկել են Գեղարքունիքի մարզի Գավառ տրանս ՍՊԸ-ի միջքաղաքային, ներմարզային և ներհամայնքային տրանսպորտի ախտահանման աշխատանքները։
ԱԱՏՄ մասնագետները տեղում իրազեկում եւ ուղղորդում են վարորդներին՝ անհրաժեշտ անհատական պաշտպանիչ միջոցներով և ախտահանող նյութերով ապահովված լինել, ավտոմեքենան պարտադիր ախտահանել և սրահն օդափոխել։
Առողջապահական եւ աշխատանքի տեսչական մարմնի Արևելյան տարածքային կենտրոնի աշխատողները կորոնավիրուսի #covid19 դեմ պայքարի կանխարգելիչ միջոցառումների շրջանակներում կաթնամթերքի, հացաբուլկեղենի արտադրամասերում և մթերային խանութներում իրականացրել են մշտադիտարկում` վերահսկելով ախտահանման աշխատանքները։
Տրվել են վիրուսի տարածման կանխարգելիչ աշխատանքներն արդյունավետ իրականացնելու ցուցումներ: Արևելյան տարածքային կենտրոնի կողմից դիտարկվել է, մասնավորապես, նաեւ Գորիս համայնքում ուղևորափոխադրող տրանսպորտային միջոցների ախտահանման գործընթացը։