թեժ գիծ
81 - 07
Բնապահպանության և ընդերքի տեսչական մարմին

Հայաստանի Հանրապետության
առողջապահական եվ աշխատանքի տեսչական մարմին

Բնապահպանության և ընդերքի տեսչական մարմին

թույլ տեսողություն
ունեցողների համար
Map Armenian

 Մենյու




Հակահամաճարակային կանոնների խախտումները Կապանում եւ Գորիսում նվազման միտում ունեն

20.11.2020

ՀՀ առողջապահական և աշխատանքի տեսչական մարմնի հարավային տարածքային կենտրոնի մասնագետները Սյունիքի մարզի Կապան քաղաքի ատամնաբուժարաններում և առևտրի կետերում ստուգայցի ընթացքում կոպիտ խախտումներ չեն նկատել։

Նման պատկեր է նկատվել նաեւ Գորիսում, որտեղ ստուգայցերն անցկացվել են գեղեցկության սրահներում։ Այս ոլորտի տնտեսավարողների մոտ հիմնականում հաճախորդների կուտակման դեպքեր են արձանագրվել, հետևաբար խախտվել է սոցիալական հեռավորության պահանջը։

Ստուգայցերի ընթացքում տեսուչները ուշադրության են առել ախտահանիչ նյութերի առկայությունը, ախտահանիչների մակնշումը, ուսումնասիրել դրանց պարունակությունը, ստուգել գրանցամատյանների լրացման գործընթացը, իսկ բժշկական հաստատություններում ստուգվել է մասնավորապես նաև ախտահանման գործընթացը։

Covid-անվտանգության նորմերի խախտումների բացառման նպատակով ԱԱՏՄ ստուգայցերը շարունակվում են մայրաքաղաքում և մարզերում։

Տեսուչները ստուգայցերին զուգահեռ իրականացնում են բացատրական և իրազեկման աշխատանքներ` տնտեսավարողների ուշադրությունը հրավիրելով առողջապահության նախարարի 17-ն հրամանով սահմանված նորմերի վրա։

ԱԱՏՄ-ն հորդորում է համավարակի տարածումը կանխելու նպատակով պահպանել հաստատված նորմերը։



Վերադառնալ