Իրազեկման սեմինար «Վանաձորի պետական բժշկական քոլեջ» ՊՈԱԿ-ում

Առողջապահական և աշխատանքի տեսչական մարմնի տարածքային կենտրոնները շարունակում են իրազեկման աշխատանքները Հայաստանի մարզերում։

Հյուսիսային տարածքային կենտրոնի պետ Արման Ոսկանյանի գլխավորությամբ 2025 թվականի դեկտեմբերի 3-ին հերթական իրազեկման սեմինարն է անցկացվել Վանաձոր քաղաքում։

Այս անգամ սեմինարին մասնակցել են «Վանաձորի պետական բժշկական քոլեջ» ՊՈԱԿ-ի դասախոսները և ուսանողները, ընդհանուր առմամբ՝ 22 մասնակից։

Տարածքային կենտրոնի աշխատողների առողջության պահպանման և անվտանգության ապահովման վերահսկողության և աշխատանքային օրենսդրության վերահսկողության բաժինների տեսուչները ներկայացրել են ՀՀ աշխատանքային օրենսգրքի առանձին դրույթների կիրառման առանձնահատկությունները, աշխատանքային պայմանագրերի կնքման թվային համակարգին ներկայացվող պահանջները, ինչպես նաև Տեսչական մարմնի գործառույթների շրջանակներում այլ կարևոր օրենսդրական կարգավորումներ։

Միջոցառման ավարտին Տեսչական մարմնի աշխատողները պատասխանել են մասնակիցների հարցերին։

Վերադառնալ