Տրվել է դեղերի շրջանառությունը դադարեցնելու կարգադրագիր․ առկա է երրորդ դասի թերության կասկած

ՀՀ առողջապահական և աշխատանքի տեսչական մարմնի կողմից «ԱԼՄԱ ՖԱՐՄ ԻՄՊՈՐՏ» ՍՊ ընկերությանը 11.02.2025 թ.-ին տրվել է կարգադրագիր՝  

• «Կոնկոր (բիսոպրոլոլ (բիսոպրոլոլի ֆումարատ)), թաղանթապատ դեղահատեր 5 մգ N50 (2×25) բլիստերում դեղի G0281U (պիտանիության ժամկետ՝ 30.11.2028թ.),
• «Էութիրօքս (լևոթիրoքսին (լևոթիրօքսին նատրիում)), դեղահատեր 50 մկգ N100 (4×25) բլիստերում թիվ G02AQH (պիտանիության ժամկետ՝ 30.04.2027թ.),
• «Էութիրօքս (լևոթիրoքսին (լևոթիրօքսին նատրիում)), դեղահատեր 75 մկգ N100 (4×25)  բլիստերում թիվ G02AQK (պիտանիության ժամկետ՝ 31.03.2027թ.),
• «Էութիրօքս (լևոթիրoքսին (լևոթիրօքսին նատրիում)), դեղահատեր 100 մկգ N100 (4×25)  բլիստերում թիվ G02AUC (պիտանիության ժամկետ՝ 31.03.2027թ.),
• «Էութիրօքս (լևոթիրoքսին (լևոթիրօքսին նատրիում)), դեղահատեր 125 մկգ N100 (4×25)  բլիստերում թիվ G02BGT (պիտանիության ժամկետ՝ 31.01.2027թ.),դեղերի շրջանառությունը դադարեցնելու վերաբերյալ։

Կարգադրագրի հիմք է հանդիսացել «Դեղերի և բժշկական տեխնոլոգիաների փորձագիտական կենտրոն» ՊՈԱԿ-ից  2025 թվականի փետրվարի 07-ի թիվ 01/593-25 գրությանը կից ստացված փորձագիտական եզրակացությունը, համաձայն որի՝ «Դեղերի և բժշկական տեխնոլոգիաների փորձագիտական կենտրոն» պետական ոչ առևտրային կազմակերպությունը  ՀՀ-ում գրանցված մի շարք դեղի գրանցման հավաստագրի իրավատեր «Մերկ» ՍՊԸ-ի համար Մերկ Հելթքեյր ԿԳաԱ (Գերմանիա) արտադրության որոշ դեղերի ներմուծողներին միջնորդ կազմակերպությունների կողմից տրամադրված հավաստագրերի տվյալները չեն համապատասխանում բնօրիննակներին։

Հաշվի առնելով վերոգրյալը և այն հանգամանքը, որ առկա է հետկանչի ենթակա երրորդ դասի թերության կասկած անհրաժեշտ է դադարեցնել  վերոնշյալ դեղերի նշված սերիաների շրջանառությունը։

Վերադառնալ