Շնորհավոր արժանի տոնդ, բուժաշխատող

✅ Բուժաշխատողների շարքում պայքարի առաջին գծում են նաև Առողջապահական և աշխատանքի տեսչական մարմնի մասնագիտական թիմերը՝ վտանգելով իրենց առողջությունը, հաղթահարելով ընտանիքից երկարատև հեռու լինելու դժվարությունը, մոռանալով, որ շաբաթ-կիրակիները երբևէ հանգստյան օրեր էին։

✅ Երբ բոլորը պետք է սահմանափակեն շփումները, ԱԱՏՄ թիմին աշխատանքը պարտադրում է շփումների ամենալայն շրջանակ՝ բացառելու մյուսների առողջությանը սպառնացող ռիսկերը և վերահսկելու անվտանգության կանոնների պահպանումը։

✅ Համաճարակի դեմ այս պատերազմում ԱԱՏՄ սահմանային բժշկասանիտարական հսկիչ կետերի աշխատակիցները բառի ամենաուղիղ իմաստով մեր զինվորներն են սահմանին։ Երբ բոլորը հանգիստ մուտք են գործում երկիր, ԱԱՏՄ թիմին աշխատանքը պարտադրում է մասնագիտական «անհանգիստ» աչքը պահել ՀՀ սահմանը հատողների մոտ կասկածելի ախտանշանների վրա։ Երբ ողջ ուղևորահոսքն աննկատ ջերմաչափվում է, աննկատ է մնում նաև ձեր աշխատանքը, սակայն նկատելի՝ դրա արդյունքը։

✅ ԱԱՏՄ մասնագիտական թիմերն այն գործի կրողն են, որի դեպքում բժշկական սպասարկումը և դեղերի անվտանգությունը վերահսկում է ԱԱՏՄ միշտ զգոն և աչալուրջ թիմը։

Ձեր աշխատանքը, այո, երբեմն մնում է չգնահատված, քանի որ չունի չափման կոնկրետ միավորներ, բայց, միևնույն է, ձեր մասնագիտական առաքելությունը ամենակարևորների շարքում է։

Իսկ այսօր հանգամանքները ձեզ դարձրել են օրվա հերոսը։ Նույն հանգամանքներն օրվա ամենաարդի մաղթանքը դարձրել են հետևյալը՝ անկորուստ անցնեք ձեր փառահեղ ուղին։

Շնորհավոր Բուժաշխատողի մասնագիտական տոնը։

Վերադառնալ