Շրջայց-իրազեկման աշխատանքներ՝ Երևանի դպրոցներում և մանկապարտեզներում

2026 թվականի սեպտեմբերի 18-ին Առողջապահական և աշխատանքի տեսչական մարմնի Երևան քաղաքի տարածքային կենտրոնի հիգիենիկ, սանիտարահիգիենիկ և հակահամաճարակային վերահսկողության բաժնի աշխատակիցները շրջայց-իրազեկման աշխատանքներ են իրականացրել Երևանի Մուրացանի անվան թիվ 18 և Գարեգին Նժդեհի անվան թիվ 161 հիմնական դպրոցներում, Երևանի թիվ 139 և թիվ 129 մսուր-մանկապարտեզներում։

Դպրոցներում ներկայացվել են հանրակրթական ծրագրեր իրականացնող ուսումնական հաստատություններին ներկայացվող սանիտարահիգիենիկ պահանջները՝ Առողջապահության նախարարի 2017 թվականի մարտի 28-ի N 12-Ն հրամանի շրջանակում։

Մասնավորապես, ներկայացվել են՝

• ուսումնական միջավայրի սանիտարահիգիենիկ պայմաններին ներկայացվող պահանջները,
• սանհանգույցների և կենցաղային պայմանների պատշաճ կազմակերպումը,
• բուժկետի և առաջին բուժօգնության ապահովումը,
• ուսումնական սենքերի միկրոկլիման, լուսավորությունը և ջրամատակարարումը,
• մաքրման, ախտահանման և անվտանգ պայմանների ապահովումը։

Մսուր-մանկապարտեզներում միջոցառման մասնակիցներին ներկայացվել են Առողջապահության նախարարի 2024 թվականի փետրվարի 12-ի N 50-Ն հրամանով հաստատված՝ նախադպրոցական ուսումնական հաստատություններին ներկայացվող սանիտարահիգիենիկ պահանջները։

Անդրադարձ է կատարվել՝

• երեխաների խաղային և խմբային տարածքների կազմակերպմանն ու կահավորմանը,
• երեխաների խնամքի և անձնական հիգիենայի պայմաններին,
• խմբերում ջերմային ռեժիմի և օդային միջավայրի ապահովմանը,
• երեխաների անվտանգության և վնասվածքների կանխարգելման միջոցառումներին,
• բուժկետի, մեկուսարանի, մաքրման և ախտահանման աշխատանքների կազմակերպմանը։

Առողջապահական և աշխատանքի տեսչական մարմինը շարունակում է կանխարգելիչ և իրազեկման աշխատանքները՝ երեխաների առողջության պահպանման և անվտանգ կրթական ու նախադպրոցական միջավայրի ապահովման նպատակով։

Վերադառնալ