Այս տարի առաջին անգամ Տեսչական մարմնի տարեկան ստուգման ծրագրում, ըստ ՀՀ կառավարության հաստատած ռիսկերի մեթոդաբանության, ընդգրկվել են հոգեբուժական բժշկական ծառայություն մատուցող հիմնարկներ։
ՀՀ առողջապահական և աշխատանքի տեսչական մարմինը և ՀՀ վարչապետի աշխատակազմի տեսչական մարմինների աշխատանքների համակարգման գրասենյակը համատեղ մշակել են հոգեբուժական բժշկական ծառայություն մատուցող հիմնարկներում ստուգում իրականացնելու համար նախատեսված ստուգաթերթի նախագիծը։
Ինչպես նաև 2021 թվականի ընթացքում ՀՀ առողջապահության նախարարության կողմից կատարվել են փոփոխություններ և լրացումներ «Հոգեբուժական օգնության մասին» ՀՀ օրենքում և ոլորտը կանոնակարգող մի շարք իրավական ակտերում։
Այսօր Տեսչական մարմնի բժշկական օգնության և սպասարկման վերահսկողության վարչության պետ Քրիստինե Աբրահամյանը և մասնագետներն իրականացրել են ստուգաթերթի պիլոտային փորձարկում «Սևանի հոգեկան առողջության կենտրոն» ՓԲԸ-ում։
Տեղի է ունեցել նաև շրջայց կենտրոնի բաժանմունքներում։