Աշխատանքային քննարկում Տեսչական մարմնի ղեկավարի գլխավորությամբ

Առողջապահական և աշխատանքի տեսչական մարմնում 2025 թվականի սեպտեմբերի 9-ին Տեսչական մարմնի ղեկավար Սլավիկ Սարգսյանի գլխավորությամբ տեղի է ունեցել աշխատանքային քննարկում, որին մասնակցել են Տեսչական մարմնի ղեկավարի տեղակալները, տարածքային կենտրոնների ղեկավարները, մասնագիտական ստորաբաժանումների ղեկավարները։

Քննարկվել են՝

• 2025 թվականի Ստուգումների և Գործունեության տարեկան ծրագրերի կատարման ընթացքը,

• 2026 թվականի Ստուգումների և Գործունեության տարեկան ծրագրերի նախագծերի մշակմանն ընդառաջ՝ վերջիններս առավել բարելավված և ոլորտային խնդիրների լուծմանն նպատակաուղղված կազմելու հնարավորությունները՝ հաշվի առնելով ընթացիկ տարվա վերահսկողական աշխատանքների վերլուծության արդյունքները,

• Իրազեկման և կանխարգելիչ աշխատանքների ընթացքը,

• Որակի ապահովման վարչության կողմից արձանագրված խնդիրները, ինչպես նաև դրանց լուծման կարևորությունը,

• Նախորդ քննարկումների ընթացքում տրված հանձնարարականների կատարման ընթացքը, արձանագրված առաջընթացները և դեռևս լուծում պահանջող խնդիրները,

• Խմելու ջրի հետ կապված բողոքները և դրանց հիման վրա իրականացված վերահսկողության արդյունքները,

• Հանրության հետ տարվող աշխատանքները, քաղաքացի և Տեսչական մարմին կապի և մշտական հասանելիության ապահովումը,

• Աշխատանքային այլ ընթացիկ հարցեր։

Սլավիկ Սարգսյանի կողմից տրվել են Տեսչական մարմնի գործունեության բարելավմանը և շարունակական կատարելագործմանն ուղղված նոր հանձնարարականներ։

Վերադառնալ