Անակնկալ ստուգայցեր, կասեցումներ․ ԱԱՏՄ-ն արձանագրում է, որ տեսուչների մուտքի պահին տնտեսավարողներն արագ շտկումներ են անում

Կորոնավիրուսի հետագա տարածումը կանխելու նպատակով ՀՀ առողջապահական և աշխատանքի տեսչական մարմինը շարունակում է խստորեն դիտարկել անվտանգության նորմերի պահպանումը։ ԱԱՏՄ անակնկալ ստուգայցերն այսօր ուժեղացված ռեժիմով Երևանի Ավան վարչական շրջանում էին։

Թեև որոշ տնտեսավարողների մոտ աշխատակիցներն ԱԱՏՄ մասնագետների մուտք գործելուն պես շտկում են դիմակները, սակայն տեսուչներն արձանագրում են դրանք ու այլ խախտումներ։

Ստուգայցերն իրականացվում են ստուգաթերթերով, որոնց վրա առանձին կետերով հերթով լրացվում է՝ որ նորմն է պահպանված, որը՝ ոչ։

ԱԱՏՄ մշտադիտարկումները փաստում են՝ դեռևս տնտեսավարողների մոտ կան թերացումներ ու խախտումներ՝ կապված գծանշումների բացակայության, չափազանց մոտ տեղակայված աշխատասեղանների, սոցիալական հեռավորություն պահպանելու, ախտահանման, ջերմաչափման հետ։

Վերադառնալ