ՀՀ առողջապահության նախարար Անահիտ Ավանեսյանը համավարակի պայմաններում «Զվարթնոց» օդանավակայանի ժամանման և մեկնման գործընթացի կազմակերպչական աշխատանքներին ծանոթանալու նպատակով աշխատանքային այց է կատարել օդանավակայան։
Առողջապահական և աշխատանքի տեսչական մարմնի ղեկավար Հակոբ Ավագյանը ներկայացրել է օդանավակայանի սահմանային բժշկասանիտարական հսկիչ կետի կողմից ՀՀ ժամանող ուղևորների նկատմամբ իրականացվող հսկողական աշխատանքները, օդանավակայանում տեղակայված ՊՇՌ նմուշառում իրականացնող լաբորատորիաների հետ աշխատանքն ու առկա խնդիրները։
Քննարկվել և գույքագրվել են այս գործընթացում ներգրավված մյուս գերատեսչությունների ներկայացուցիչների հետ համատեղ իրականացվող գործառույթներում ի հայտ եկած խոչընդոտները, օրենսդրական բացերը։